Ресейдің телеарнасы Қазақстан футбол құрамасын Өзбекстанмен шатастырып алды (видео)

Ресейдің «Россия 24» арнасы Александр Бородюкпен Қазақстан құрамасы туралы құрған сұхбаты кезінде өзбекстандық футболшылардың жаттығуын көрсетіп жіберді. Бұл туралы Vesti.kz.

Футболдан Қазақстан құрамасының бас бапкері «Футбол России» бағдарламасында қонақта болып, құрамамыздың мақсаттарымен бөлісті. Әңгіме барысында Бородюк Ұлттық құрамамыз алдағы уақытта жаңаратыны туралы айтты. Дәл осы кезде экранда Өзбекстан құрамасы футболшыларының жаттығуы көрсетілді. Айта кетейік, қазан айының басында Қазақстан құрамасы тағы бір келеңсіз жағдайға тап болған. Әлем чемпионатының іріктеу кезеңінде Румынияға қарсы ойынға біздің құрама «Өзбекстан» деген жазуы бар ұшақпен барған еді.

https://youtu.be/ERTVLJ0ZKXA