Amanat партиясының 24-съезі алаңында Оқу-ағарту министрі Асхат Аймағамбетов ресейлік мұғалімдердің Қазақстан мектептерінде неліктен жұмыс таба алмай жүргенін түсіндірді, деп хабарлайды Zakon.kz.
Асхат Аймағамбетов біздің мектептерде жұмысқа орналасу үшін бір жыл бұрын енгізілген белгілі талаптардың бар екенін айтты.
ҚР Оқу-ағарту министрі Асхат Аймағамбетов:
Диплом жеткіліксіз. Еліміздің кез келген азаматы немесе азаматтығы жоқ адамның мектепке жұмысқа орналасуы үшін ұлттық біліктілік сынағынан өткендігі туралы сертификаты болуы керек. Адам біздің әдістемемізді, бағдарламамызды білуі және өз пәнін жақсы білуі керек. Диплом жеткіліксіз, сертификат керек.
Сонымен қатар министр Қазақстанда оқу жылы басталып та кеткенін айтты.
Асхат Аймағамбетов:
Тарификация қазірдің өзінде жүргізілді, бос орындар толтырылды. Сондықтан мұндай сұрақ мүлдем болып тұрған жоқ.