jasqazaq.kz

Ресейдегі ең қауіпті маньяктардың бірі Қазақстанда жасырынуы мүмкін

02 қыркүйек 2020, 12:17

Ресейдегі ең қауіпті маньяктардың бірі Қазақстанда жасырынуы мүмкін Жақында Ресейдегі ең қауіпті қылмыскерлердің бірі, Орск қаласынан шыққан маньяк Валерий Андреевті іздеуге арналған «ВКонтакте» әлеуметтік желісіндегі пабликте ресейлік полицейлер көп жылдар бойы іздеп жүрген ер адамның Ақтаудағы психиатриялық ауруханада екендігі туралы ақпарат пайда болды.

Желідегі пабликте пайдаланушылар маньяктың болжамды орналасқан жері туралы жаңа ақпарат берді, ал кейбіреулері онымен кездескені туралы жазды. Оны Челябі, Қостанай, Красноярск, Қарағанды және Ресей мен Қазақстанның басқа да қалаларында көрген. Ал енді Ақтауда. «Психикалық ауруханада болу — бұл өмір бойы бас бостандығынан айыру жазасынан құтылып кету үшін тамаша тактика. Полиция бұл жерлерді мұқият тексеруі керек еді», — деп жазды қолданушылардың бірі.

Валерий Андреев — сериялық өлтіруші және зорлаушы, Ресейдегі ең қауіпті қылмыскерлердің ондығына кіреді. 1957 жылы 10 сәуірде Орынбор облысында дүниеге келген. Ұзақ жылдар бойы отбасымен бірге Қазақстанмен шекаралас Орск қаласында тұрды. Тергеу мәліметтері бойынша, маньяк Оңтүстік Орал аумағында 2006 жылдан 2012 жылға дейін жұмыс істеген. Осы уақыт ішінде ол 100-ден астам әйелді зорлады және өлтірді. Ол полицияның назарына түскен кезде, алдын-ала жұбайына қоңырау шалып, бірден қашып кеткен. Андреев сегіз жылдан бері іздеуде. Ер адам жүк көлігінің жүргізушісі болып жұмыс істеп, құрбандарын жолдан тапқан. Олардың бірі 2010 жылдың 28 маусымында 22 жасында жоғалып кеткен Айжан Үркімбаева болуы мүмкін. Айжан жоғары оқу орнын бітірген, сол күні ол Орскіден Новоорск ауданының Будамша ауылына бара жатқан. Ол Новоорскке автобуспен жетіп, содан кейін жолдан көлікке отырған. Үйге барар жолда ол әпкесімен хабарласып, 10 минуттан кейін баратынын айтқан. Содан бері оны ешкім көрмеген. Андреев көбінесе Орынбор — Челябі және Самара — Орынбор тас жолдарымен жүрді. Көптеген әйелдер осы жолдардың жанында жоғалып кетті. Маньяктың құрбандары Шығыс Орынбор — Орск, Тасбұлақ, Можаровка және басқа елді мекендердің тұрғындары болуы мүмкін. Андреев Орынбор, Самара, Челябинск сияқты қалаларға жиі барғандықтан, полиция сол жерде іздестіру шараларын жүргізді. 2013 жылдың қыркүйегінде полицейлер маньяк Андреевтің соңғы расталған құрбанының — жас қыз Ольга Журавлеваның қалдықтарын тапты. Ол Джанаталап ауылының жанында — Орск-Челябі тас жолының жанындағы орман алқабынан табылды. Маньякты ұстауға көмектескені үшін Ресейдің ішкі істер министрлігі миллион рубль сыйақы береді. Орынбор облысының губернаторы тағы жарты миллион рубль төлеуге дайын.

Дереккөз: Stan.kz

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия