Президент Жолдауындағы басты бағыттар қандай?

Бүгін Президент Қасым-Жомарт Тоқаев «Жаңа тарихи кезеңдегі Қазақстанның өзекті міндеттері» атты Жолдауын жариялады.
Jasqazaq.kz  Жолдаудағы басты бағыттар туралы қысқаша мәлімет ұсынады:

ҚҰРЫЛЫС

— 2027 жыл Жаппай халықтық құрылыс жылы деп жарияланды.

— 2029 жылдың соңына дейін инфрақұрылымды дамытуға Ұлттық қордан 6,5 трлн теңге (14,21 млрд АҚШ доллары) бөлінеді.

— Өңірлік инфрақұрылымды дамыту, елді мекендерді газдандыру және халықты ауызсумен қамтамасыз ету мақсатында «Халықтық құрылыс» бағдарламасы іске қосылады.

ЭНЕРГЕТИКА

— 2029 жылға қарай Қазақстан электр энергиясының тұрақты профицитін қамтамасыз етуі тиіс.

— «Балқаш» атом электр станциясының құрылысы 2027 жылы басталуы керек.

КӨЛІК

— 2027 жылы Астанада жаңа әуежайдың құрылысы басталады.

— Автомобиль өткізу бекеттері қайта жаңғыртылып, көлік саласы цифрландырылады.

ЭКОНОМИКА

— Жаңа Азаматтық кодекс 2027 жылдың соңына дейін қабылданады.

— Түсті және сирек жер металдарының қорын басқарудың ұлттық жүйесі құрылады.

— Қазақстандағы атом электр станцияларын алдағы 100 жыл бойы қамтамасыз ету үшін уранның мемлекеттік резерві қалыптастырылады.

АУЫЛ ШАРУАШЫЛЫҒЫ

— Фермерлердің ұзақ мерзімді қаржыландыруға және жасанды интеллектіні қоса алғанда, заманауи технологияларға қолжетімділігі кеңейтіледі.

БИЗНЕС ПЕН САЛЫҚ

— Үкіметке жаңа Салық кодексіне байланысты туындаған мәселелерді шешу тапсырылды.

— 2027 жылдан бастап микро және шағын бизнесті тексеруге үш жылдық мораторий енгізу мәселесін қарастыру ұсынылды.

— Билік сән-салтанатқа салынатын салықты енгізу мүмкіндігін зерделейді.

ЦИФРЛАНДЫРУ

— 2027 жылғы 1 маусымға дейін Президент Әкімшілігі бюрократияны қысқарту және жасанды интеллектіні енгізу арқылы мемлекеттік аппаратты реформалау жоспарын ұсынады.

ӘЛЕУМЕТТІК САЛА

— 2027 жылдан бастап ең төменгі жалақы мөлшері 85 мың теңгеден 110 мың теңгеге дейін көтеріледі. Бұл өзгеріс шамамен 1,8 млн адамға әсер етеді.

— Бастапқы медициналық-санитариялық көмек көрсететін ұйымдарда жұмыс істейтін 77 мыңнан астам медицина қызметкерінің жалақысын еңбек өтіліне қарай 40%-ға дейін арттыру жоспарланып отыр.

— Әлеуметтік көмек ең алдымен мұқтаж азаматтарға көрсетіледі. Жаңа тәсілдер әуелі сынақтан өткізіледі.

— Мектептерде мұғалімдердің есеп беру жүктемесі азайтылып, олардың құқықтарын қорғау күшейтіледі.

JQ-Aqparat