jasqazaq.kz

Президент Жолдауы – әділетті қазақстан құрудағы қадам

02 қыркүйек 2022, 19:48

Шымкентте қоғам қайраткерлері Мемлекет басшысының Қазақстан халқына Жолдауы аясында бас қосты. Әл-Фараби атындағы ғылыми-әмбебап кітапханадағы жиын еркін пікір алмасу форматында өтті.

Қоғамдық кеңес мүшелері ел дамуының басым бағыттарын айқындап беретін Президент Жолдауында көтерілген бастамалар мен тапсырмалардың саяси маңызды әрі қоғамдық мәселелерді қамтығанына тоқталды.

– Мемлекет басшысы Қасым-Жомарт Кемелұлы Тоқаев Қазақстан халқына Жолдауында бес басты бағытты атап өтті. Соның ішінде елдің көкейінде жүрген көп сұрақ көтерілді деп ойлаймын. Бәрімізге белгілі, мемлекетіміздің жер қойнауы бай болғанымен, экономиканың көп бөлігі әлі де шикізатқа тәуелді. Осы тұрғыда елдің барлық азаматына еңбек етуде, табыс табуға мемлекет тарапынан бірдей мүмкіндік берілуі тиіс. Бұл мәселе Жолдауда да айтылды. Тағы бір ең басты жаңалықтың бірі, көпшіліктің көкейінен шыққан тұс – Ұлттық қордың инвестициялық табысының жартысы елдегі балалардың шотына 18 жасқа толғанға дейін аударылады. Бұл бастама 2024 жылдан басталмақ. Келесі мәселе – жер мәселесі. Бұған дейін айтылғандай, ол халықтың игілігінде қала береді. Саяси тақырыптағы маңызды жаңалық – Президент сайлауы. Биыл күзде Президент сайлауы өтіп, келесі жылы Парламент құрамы сайланып, жаңадан жасақталмақ, – деді Шымкент қалалық қоғамдық кеңестің төрағасы Бауыржан Әлтеев.

Жиында қоғам қайраткерлері мемлекеттен күтіп отыра бермей, жұрт болып жұмылуымыз керек деген пікірлерін қосты.

– Мемлекет басшысының Жолдауында көп нәрсе айтылды. Ең бастысы – биыл күзде Президент сайлауы өтеді. Бұл Жаңа Қазақстан құрудағы нақты қадамның бірі деп санаймын. Бұл – өте күрделі, әр адамның қолынан келе бермейтін шешім. Әділетті Қазақстанды дамытуда Президентке халықтың сенімі керек. Осы бағытта көптеген қадам басталмақ, алда тұрған үлкен міндеттер бар. Оны жүзеге асыруға бүкіл халық болып жұмылуымыз керек, – деді қоғам қайраткері, ардагер Досыбай Шерімқұлов.

Тоқтар Жақаш

Бүгін, 16:09
Соңғы төрт жылда 14,8 млн гектар жер мемлекет меншігіне өтті
Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр