Полицияға сес көрсеткен бұрынғы депутат жауапқа тартылды (видео)

Братишка, кіммен сөйлесіп тұрғаныңды білесің бе? Павлодар облыстық мәслихатының бұрынғы депутаты тәртіп сақшыларына осылай сес көрсетті. Бұл видеоны облыстық полиция департаментінің өзі таратты.

Тәртіп сақшысының «жеті атасын» түгендеген экс-депутат осы күнде белді бизнесмен көрінеді. Бірақ, «тергеу құпиялығына байланысты», деген желеумен полиция оның аты-жөнін ашып айтады. Келтірілген деректерге қарағанда, көлік блок-бекетте тоқтатылған. Жүргізушінің қалаға кіріп-шығатын құжаттары түгел көрінеді. «Қауіпсіздік белдігін тағыңыз», деген полиция ескертуі бұрынғы депутатқа жақпаған екен. Ол, дөрекілік танытып, блок-бекеттен өтіп кетпек болған.

Жанна БІЛӘЛОВА, ПАВЛОДАР ОБЛЫСТЫҚ ПОЛИЦИЯ ДЕПАРТАМЕНТІНІҢ РЕСМИ ӨКІЛІ:

Аталған факті бойынша ер адамға қатысты әкімшілік іс қозғалды. Тергеу аяқталғанша уақытша ұстау абақтысына қамауда болды. Артынан сот шешіміне сәйкес оған 20 АЕК көлемінде айыппұл салынды.

astanatv.kz