
Иә, полицияға көнбей жатқандар көп. Жамбыл облысында мас адам тіпті тәртіп сақшысына пышақ сілтеді, деп хабарлайды «Хабар 24».
Әйтеуір оқтан қорғайтын күртешесі бар екен, сол сақтап қалған. Оқиға Жамбыл ауданына қарасты Тастөбе ауылында болған. Учаскелік инспектор ағайынды арасында туындаған кикілжіңді тоқтатуға барған екен. Бұзақы 40 минут бойы қарсылық білдірген соң, тәртіп сақшысы қосымша көмек шақыртқан. Ұсталған күдікті бұрын да істі болған екен.
Нұрбол Сағындықов, облыстық ПД тергеу басқармасы басшысының орынбасары:
– Ұсталған 49 жастағы ер азамат өз кінәсін мойындап, Тараз қаласының тергеу изоляторына қамаққа алынды. Аталған дерек бойынша ҚР ҚК 380 бабы, 3-бөлігінің 9-тармағы бойынша сотқа дейінгі тергеу жүргізілуде. Аталған баптың санкциясы бойынша күдіктіге қатысты 15 жылға дейінгі жаза қолдану мерзімі белгіленген.