Полицейді ұрып, көлігін ұрлап кеткен

Жамбыл облысында мас бұзақылар полицейді ұрып кетті. Оқиға Шу қаласында болған. Бұл туралы»Хабар 24″ телеарнасына сілтеме жасап Tengrinews.kz хабарлайды. 

Полицей кешке жұмыстан қайтып келе жатқан. Сол кезде Қонаев көшесінде үш жігіт жол бермеген. Полицейдің жол беріңдер деген талабын орындамай, күш көрсетіп, қызметтік көлігін алып кеткен.

Олар бірден ұсталды. Шу қаласының тұрғындары, үшеуінің де жасы 30-да.

«Қазір аталғандарға қатысты ҚР ҚК 380-бабы 3-бөлігі 4-тармағы бойынша, яғни билік өкіліне топ болып күш көрсету дерегіне сәйкес қылмыстық іс қозғалды. Санкция бойынша 7-ден 12-жылға дейін бас бостандығынан айыру жазасы көзделген», — деді Шу аудандық полиция бөлімінің бастығы Мақсат Жаманқұлов.