Полицей коронавирус жұқтырды ма?

#үйдеотыр

Іле ауданының төрт тұрғыны WhatsApp мессенджері арқылы полиция мен дәріхананың екі қызметкері коронавирус жұқтырды деген жалған ақпарат таратқан. Бұл туралы Алматы облысының прокуратурасына сілтеме жасап Tengrinews.kz хабарлайды.

«Жалған ақпарат таратқандар бірден табылып, профилактикалық әңгіме жүргізілді. Олар тұрғындардан ресми түрде кешірім сұрады. Тұрғындарды шындыққа жанаспайтын ақпарат таратпауға және арандатуларға сенбеуге шақырамыз.

Соңғы уақыттағы жағдайлар бойынша шынайы ақпарат құзырлы мемлекеттік органдардың ресми интернет-ресурстарында жарияланады. Сонымен қатар, төтенше жағдай кезіндегі тәртіпсіздікке заңды түрде жауапкершілік қарастырылған», — делінген хабарламада.