«Подгузник сақтаған бала» немесе ақ халаттылар ескертумен құтылды

Орал қаласында жас келіншектің дәлізде босануына себепші болған ақ халатты абзал жандар жай ғана ескертумен құтылды. Бұл — Батыс Қазақстан облысы денсаулық сақтау басқармасының шешімі.

21 қаңтарда өз ісіне бей-жай қараған акушерканың кесірінен Әдем Қайырғалиева босану бөлмесіне жете алмай дәлізде босанған-тұғын. «Балам шығайын деп қалды, палатада босана берейін» деп жалынса да, подгузник кигізіп, босану бөлмесіне алып жөнелген. Әдем ол жаққа жетпей босанды. «Подгузник болмағанда, бала домалап еденге түсер ме еді!» деген келіншек, жарық дүниеге келе сала нәрестесіне суық тигенін айтып қынжылды.

Облыстық денсаулық сақтау басқармасы баспасөз хатшысының айтуынша, сол күнгі ауысымда жұмыс істеген медицина қызметкерлеріне мынадай жаза қолданылыпты:
Акушеркаға — қатаң ескерту
Аға акушеркаға – ескерту
Екі бөлім меңгерушісіне – ескерту
Босандыру бойынша орынбасарға – ескерту
Аурухананың бас медбикесіне – ескерту

Денсаулық сақтау министрі Ажар Ғинаят бұған не дейді екен?

JQ-Aqparat