«Пикник» атты отбасылық фестивалі

2017 жылдың 18 маусымында Атырау қаласының Жилгородок саябағында Атырау облысы Ассамблеясының Жастар қанатының ұйымдастыруымен қаламызда ең алғаш рет жас отбасылар мен балаларға арналған «Пикник» атты отбасылық фестиваль өтті. Аталған іс-шараға 2000 – ға жуық қала тұрғындары қатысты.

Іс-шараға Атырау қаласының ең таңдаулы мейрамханалардың бас аспазшылары яғни, атап айтатын болсақ: грузия, индия, япония, кавказ ұлтты тағамдарын халыққа арзан бағада сатты.

Кешке келушілер өзімен бірге жапқыш, отыруға арналған өз қалауы бойынша көрпелер жеке жайлылықтарын әкеліп, отбасыларымен бірге кешкі астарын сол жерден жайып отырды.

Аталған іс-шарада жанды дауыста әндер мен аспаптар ойналып келушілер ортаға шығып биледі, спорттық ойындарға қатысты. Кештің соңында сертификаттық ұтыс –ойындар ұйымдастырылды.

Фестивальда билет алып кірген келушілердің қолдарына «Жақсылық жаса» деген жазуы бар лента берілді.

Бұл кештің жалпы мақсаты туғаннан сал болып қалған балаларға қайырымдылық қол ұшын беруге жұмыстану және жылдар мен айлар бойы баласы үшін күресіп келе жатқан ата-аналарына қолдау көрсету.