Павлодарлық әйел ұлын полицияға ұстап берді

02 желтоқсан 2021, 17:02

Павлодарлық әйел ұлының үстінен полицияға шағым түсірді, деп хабарлайды Polisia.kz.

102 нөміріне хабарласқан әйел, ішімдік ішіп, жанжал шығарған ұлын алып кетуді өтінген. Қоңырау шалған кезде әйел жылап тұрған. Келген учаскелік инспекторға әйел ұлын жалғыз өсіргенін, есейген кезде өміріне қауіп төндіретінін ойламағанын жеткізді.

Учаскелік полиция қызметкері маскүнем баласын алып кетіп, уақытша бейімдеу және детоксикация орталығына жатқызды. Сондай-ақ ол маскүнемдіктен мәжбүрлеп емдеуге жіберіледі.

«Алдағы уақытта бұл отбасы ерекше бақылауда және жіті назарда болады», – деді полицейлер.