Пакетке оралған мәйіттер түсірілген видео тарады

Маңғыстау облысының әкімдігі қара пакетпен оралған науқастардың денесі түскен видеоға пікір білдірді. Бұл туралы Tengrinews.kz хабарлады.

Әлеуметтік желілерде ролик пайда болды. Кадрларда еденде және арнайы арбаларда қара пакеттің ішінде болжам бойынша бірнеше дене жатыр. Видео сипаттамасында оның Ақтауда түсірілгені жазылған.

Маңғыстау облысының билігі роликтің өңірдегі медициналық мекемелердің ешқайсысына қатысы жоқ екенін және оны фейк деп атады.

«Қара пакетпен оралған науқастардың мүрдесі бар видео Маңғыстау облысына еш қатысы жоқ. Сондықтан бұл ақпарат шындыққа жанаспайтынын ресми түрде мәлімдейміз. Аталған видеоны Ақтау қаласындағы ауруханамен байланыстырмауларыңызды сұраймыз», — делінген хабарламада.