Өзіне қол жұмсаған оқушы хат жазып кеткен

Алматы облысында 9-сынып оқушысы өз-өзіне қол салды. Жіпке асып қалған бала тіпті ата-анасына соңғы сөзін хатқа жазып кетіпті. Оның хатта не жазғаны белгілі болды.

Бұл туралы «Еуразия бірінші арнасына» хабарлады.

Марқұм Талғардағы №19 мектептің оқушысы екен. Мұғалімдерінің бәрі оның жерлеу рәсіміне барған. Тек туғандары қайғының мән-жайын анықтап айтқысы келмеді.

Белгілі болғандай, марқұмның жанынан «ешкімге ренішім жоқ» деген жазуы бар қағаз табылған. Десе де полицейлер тергеудің жүргізілетінін айтты.

«Бұл оқиға өз-өзіне қол жұмсау бабы бойынша тіркелді. Өйткені бала соңынан хат жазып қалдырған. Қазір ювеналды полиция қызметкерлері тиісті текесеру жұмыстарын жүргізіп жатыр. Сонымен қатар сот-медициналық сараптама тағайындалды», — дейді облыстық полция департаментінің ресми өкілі Көбейхан Нұрахмет.