Өзгенің көлігін өртеп жіберген ер адам ұсталды

Қарағанды облысы Шахан ауылында белгісіз біреу аулада тұрған көлікті өртеп жіберген. Бұл туралы облыстық ПД баспасөз қызметіне сілтеме жасап Тengrinews.kz хабарлады.

«16 шілдеде түнгі 01:23-те полицияға Шахан қаласының 32 жастағы тұрғыны хабарласып белгісіз бір ер адамның Mercedec маркалы автокөлігіне қасақана от қойғанын айтқан. Келтірілген залал мөлшері — 1 800 000 теңге. Жедел-іздеу шаралары барысында криминалдық полиция мамандары қаскөйді ізін суытпай ұстады. 33 жастағы жәбірленушінің ауылдасы ұсталған бетте өз кінәсін мойындады», — делінген полиция хабарламасында. Осы дерекке қатысты қажетті сараптамалар тағайындалды және сотқа дейінгі тергеу шаралары Қылмыстық кодекстің 202-бабы 2-бөлігі бойынша тергеу жүріп жатыр.