Өзбекстанда 2 сарбазды су ағызып кеткен

Өзбекстанда бұзылған бөгеттің маңындағы ауылдардың азаматтарын құтқарамын деп әскери қызметкер қаза болды. Сырдария облысындағы эвакуациялау кезінде Ұлттық гвардияның екі сарбазын тасқын су ағызып әкеткен. Бірінің денесі табылды. Қазір құтқарушылар екіншісін іздеп жатыр.

Естеріңізде болса, Сардоба су қоймасында болған апаттың салдарынан 70 мыңдай адам қауіпсіз жерге көшірілген еді. Олар – Сардоба, Ақалтын, Мырзаабад аудандарындағы 22 елді мекеннің тұрғындары. Осы күнге дейін 16 мыңнан астам адам үйлеріне оралды. Қазіргі уақытта бұл жапа шеккендердің құжаттарын қалпына келтіру үшін Мемлекеттік қызметтер Агенттігі көмек көрсетіп жатыр.

Улмас Абдиев, Жизақ облысы әділет басқармасының бөлім басшысы:

– Біз «Сәлем Сардоба, біз біргеміз» акциясын бастадық. Оның аясында жапа шеккендерге құқықтық көмек көрсетіліп жатыр. Атап айтқанда, біз эвакуацияланған азаматтардың құжаттарын қалпына келтіреміз. Олардың дені төлқұжат, туу туралы және неке куәліктерін жоғалтқан.

24.kz