jasqazaq.kz

Өзбек билігі мектепте оқушыларға орамал тағып, тақия киюге рұқсат етті

06 қыркүйек 2021, 10:21

Өзбекстанда оқушы қыздарға ақ не ашық түсті орамал тағуға және тақия киюге рұқсат берілді. Білім министрі Шерзод Шерматов бұл шараның мақсаты барлық балаға білім беру деді.

Бұл туралы өзбек білім министрі 4 қыркүйек күні болған ашық диалог кезінде айтты.

Көптеген ата-ананың өтінішін ескере отырып, қыздарымызға осы оқу жылынан бастап мектепте ақ немесе ашық түсті ұлттық орамал тағып, тақия киіп жүруге рұқсат етпекпіз, деді Өзбекстан білім министрі Шерзод Шерматов.
Министрдің сөзінше, қыздарға жағасы ұзын көйлек киюге де рұқсат берілмек. Бірақ Шерматов мұны қандай заңға сүйеніп жүзеге асыратынын айтпады.

Өзбекстан министрлер кабинетінің 2018 жылғы 15 тамыздағы қаулысының («Мемлекеттік орта мектеп оқушыларын заманауи мектеп формасымен қамтамасыз ету туралы») 7-тармағына сәйкес, оқу орны ішінде оқушылар бас киімінсіз жүруі тиіс.

Кезінде бұл қаулының қабылдануы дін жолын ұстанатын ата-аналардың наразылығын тудырған. Олар орамал таққан қыздарының мектепке кіре алмай қалғанын айтып шағынған. Ол кезде бұған Шерзод Шерматов мынадай жауап қатқан:

Көбі орамал мен хиджаб туралы айтады. Бірақ қазір бұл басты міндет емес. Біздің негізгі міндетіміз – жақсы білім мен тәлім алған ұрпақты өсіру. Адамдардың басы екінші деңгейлі мәселеге қатып отыр.
Осының алдында Азаттықтың Өзбек қызметіне сұхбат берген ата-ананың бірі бірыңғай мектеп формасын талап ету сабақтың үздіксіз тоқтай беруіне әкеліп, білім сапасына теріс әсер етіп отыр деген.

Өзбекстанда жаңа оқу жылы 6 қыркүйекте басталады.

Бүгін, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия