jasqazaq.kz

Өз тілінде оянсын

06 маусым 2019, 14:44


Әлеуметтік желіде кенеттен «оянғандардың» бәрін азғындар деп айтар едім. Оларды зерттеп, кімдер екенін, бұрын немен айналысқандарын, не айтып, не жазып жүргендерін анықтап жатырмын. Мысалы, актер Әнуар Нұрпейісов бұдан бірер жыл бұрын қазақтарды масқаралайтын видео жариялаған. Ал қазір қазаққа жүрегі ауырып, аяқ астынан «ояна» қалыпты.Сонысына сенесіз бе? Әнуардың өнер адамы ретінде мемлекеттік марапат, сыйлықтардың біразына қол жеткізгенін бәріміз білеміз.

Жалпы, бұл «оянғандар» кімдер? Олар – ауқатты адамдардың ұл-қыздары. Олардың әлеуметтік жағдайы сіз бен бізден көп жақсы. Бәрінің баспанасы, пәтері, көлігі бар. Біреуінің бизнесі, кафесі бар дегендей. Ешнәрсеге мұқтаж емес.
Мен олардың өз тілінде оянғанын қалайтын едім. Амал қанша, олай болмай тұр. Әлеуметтік желіде: «Осылардың өзгенің тілінде оянғанынан қорқып едім.Сөйтсем жағдайын жасап алып, содан кейін ғана оянып жатқан түрі екен ғой!!!Дұрыс ояныңдар, халыққа пайдаларың тиетіндей ояныңдаршы.Қазақ қыздарын тырдай жалаңаш етіп,түнгі клубта шешіндіретіндердің оянып жатқаны – ұлт үшін өте қауіпті.Оданда оянбай ұйықтап жатқаны әлдеқайда жақсы!», – деп жазғанмын. Өйткені бұлардың оянғанынан қазаққа пайда жоқ. Керісінше, кесірі тиіп кетуі мүмкін?
Мысалы, Сұлтан Мұсахан деген жігіт шетелдің грантымен Бостон университетінде оқыпты. Әлдебір қор қаржыландырған көрінеді. Тегін дүние қайда бар? Судың да сұрауы бар деген ғой. Демек, бұл ұйқыбастардың оянуының астарында бір гәп бар. Әлдебіреулердің сойылын соғып отырғаны анық. Әлгі Сұлтан деген жас жігіт өзінің әлеуметтік желідегі парақшасына гей парадқа қатысқаны туралы бейнежазба салыпты. Гей парадтың жалауын көтеріп жүрген адам қалай, қандай мақсатпен оянады? Одан да оның ұйықтай бергені дұрыс.
Ояну туралы мен бірнеше жылдан бері айтып, жазып жүрмін. Егер олар шынымен оянғыш болса, бес бала жанып кеткенде оянбай қайда қалыпты? Аналар шырылдап, пәтер мәселесін көтергенде қайда жүрген? Егер олар оянғыш болса, қазақ жері Қытайға сатылады дегенде қалай ұйықтап жатты? Тіл мен ділдің тағдыры таласқа түсіп жатқанда мыңқ демейтіндердікі не ұйқы?
Қазақ әлдеқашан оянған. Бұлар бізді түртіп оятпаса да, біздің ұйқымыз ашылған. Сондықтан, бізге мұндай арандатушылардың ұранының да, сөзінің де, өздерінің де қажеті жоқ. Қазақты масқаралап жүргендердің бізді оятуға құқы жоқ. Тағы да қайталап айтамын, «ояну» керек болса, алдымеy, бұлар өз тілінде «оянсын!».Жетпіс жыл отарлаған елдің тілінде «ояну» сатқындық!

Айгүл Орынбек,
блогер

20 қараша, 13:54
Шыңғыс Оразалимов: Alem.Cloud ұлттық суперкомпьютері жасанды интеллект пен үлкен деректерді талдау жобаларына қызмет етуде
18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда