Өз баласын ұрлады

Қостанайлық полицейлер ұрланған баланы анасына бір сағаттың ішінде қайтарды. Бұл туралы Қостанай облысы ПД баспасөз қызметі хабарлады.

Бүгін «102» нөміріне облыс орталығының 28 жастағы тұрғынынан хабарлама келіп түскен. Ол өзінің 5 жасар ұлын бұрынғы жұбайы балабақшадан алып кеткенін хабарлады. Анасы ер адамның мас болғанын және белгісіз бағытта кетіп қалғанын айтқан. Сондай-ақ, ұялы телефонға жауап бермеген. «Оқиға орнына жедел тергеу тобы шықты. Полиция іздестіру іс-шаралары барысында ер адамның тұрған жерін анықтап, оны «КСК» шағын ауданындағы дүкеннің жанынан ұстады. Ал балабақша қаланың оңтүстік бөлігінде орналасқан. Қазіргі уақытта ер адам медициналық айықтырғышқа орналастырылды, оған қатысты «Адам ұрлау» бабы бойынша сотқа дейінгі тергеу басталды» делінген полицияның хабарламасында. Қазіргі уақытта ұрланған бала анасына қайтарылды.

ҚазАқпарат