
Батыс Қазақстан облысының тұрғыны жаңажылдық мереке кезінде отшашу салдарынан бетін күйдіріп алды.
Бұл туралы Tengrinews.kz «Мой город» басылымына сілтеме жасап хабарлады.
БҚО Денсаулық сақтау басқармасы баспасөз қызметіндегілердің айтуынша, 1-3 қаңтар аралығында қалалық көпбейінді аурухананың травматологиялық пунктіне 58 адам жүгінген.
«13 адам көктайғақтан, 3 адам сырғанақтан құлап, 23 адам күнделікті тұрмыстық жарақат салдарынан, 1 адам жол-көлік оқиғасынан зардап шегіп келді және полицейлер төбелескен 13 адамды жеткізді. (…) 1 адам отшашудан бетін күйдіріп алған», — деді облыстық денсаулық сақтау басқармасындағылар.
Отшашудан бетін күйдіріп алған адамға ем көрсетіліп, жарасы таңылған. Қазір амбулаториялық ем қабылдап жатыр.