Өткенге саяхат жасағыңыз келсе, Атыраудағы «Ретро-саябақ» кешеніне келіңіз!

Ел экономикасының локомотивіне айналған Атырау қаласына 377 жыл. Осынау атаулы датаға орай, қала күнінің құрметіне Атырауда «Ретро-саябақ» кешені пайдалануға берілді. Бұл туралы Jasqazaq.kz хабарлады. 

Атыраудың «Тұрғындар қалашығы» ықшамауданында орналасқан саябақ өткен ғасырдың елуінші жылдарындағы неоклассикалық стильде салынған. Оның негізгі аумағын парк аллеялары құрайды. Жайық өзенінің жағалауында орналасқан демалыс кешенінде амфитеатр, көрме павильоны, дәмхана, жаяу жүргіншілерге арналған көпірлер мен аралшықтары бар тоғандар орналасқан. Және әйгілі «Дос -Мұқасан» ансамблінің жарты ғасырлық мерейтойына орай тұрғызылған скульптуралық туынды да кешеннің сәнін арттыра түседі. Ал, 3D форматтағы «биші субұрқақ» озық үлгісімен таңдандырады.

Айта кетелік, ТШО компаниясының «Игілік» ерікті әлеуметтік инфрақұрылым бағдарламасы аясында салынған кешеннің ашылуына облыс әкімі Нұрлан Ноғаев арнайы қатысып, аты аңызға айналған «Дос-Мұқасан» ансамблі концерт берді.