«Қордай» шекарашылары теледидар ішінен Макаров тапаншаларын тапты

07 қараша 2016, 11:20

photo_31193

Қырғызстан мен Қазақстан шекарасында тапаншалар мен оған арналған оқ-дәріні өткізбек болған рейс автобустарының екі жүргізушісі ұсталды, — деп хабарлайды ҚР ҰҚҚ Шекара қызметі.

«Қордай» өткізу пунктінің жасағы мемлекеттік шекарадан «ПМ» маркалы екі тапанша мен оған арналған 9 патронды заңсыз өткізу әрекетінің жолын кесті. Қару Бішкек-Шымкент бағытындағы «Неоплан» жолаушылар автобусынан инспекциялық тексеру кешені және қызметтік итті пайдалана отырып жіті тексеру барысында табылды», — делінген хабарламада.

Қару жүк арасына жасырылған: қорапқа салынған теледидардың артқы жағына бекітіп қойған және куәгерлердің сөзіне қарағанда бұл жүк жолаушылардікі емес, оны беріп жіберген.

Tengrinews.kz