Оралда жедел жәрдем көлігі аударылып қалды

Оралда жедел жәрдем көлігі LADA Priora жеңіл көлігімен түйісіп қалды. Соққыдан жедел жәрдем аударылып түсті.

Бұл туралы Мой Город басылымына сілтеме жасап, Today.kz хабарлады.

LADA көлігінің жүргізушісі Дәулеткерей көшесімен келе жатып Құрманғазы көшесін кесіп өтпек болғанда Құрманғазы көшесімен келе жатқан жедел жәрдем көлігіне соқтығысып қалған.

«Жедел жәрдем қатты жылдамдықпен келе жатты, дабылын қоспады. Біз түйісіп қалдық, жедел жәрдем аударылып түсті», — деп хабарлады Лада жүргізушісі.

Жедел жәрдем көлігінде жүргізушіден басқа фельдшер, дәрігер және екі науқас болған. Оларды басқа жедел жәрдем көлігі алып кетті. Приораның жүргізушісі мен жолаушысы зардап шеккен жоқ.