jasqazaq.kz

Оралда егде жастағы әйел автобустан валидатор ұрлап кеткен (Видео)

01 шiлде 2022, 16:47

Оралда егде жастағы әйел автобустан валидатор ұрлап кеткен. Автопарк әкімшілігі одан техниканы қайтарып беруін сұрайды, деп хабарлайды Azattyq Ruhy тілшісі «Мой город» порталына сілтеме жасап.

Аталған оқиға 29 маусым күні сағат 14:30 шамасында No22 «Медициналық колледж» бағытының аялдамасында болған.

«Батыс Қазақстан» автобус паркі бас директорының орынбасары Данияр Мұхтаровтың айтуынша, кондуктор төлем жасауға арналған валидаторды жолаушылар орындығының үстіне қалдырып кеткен. Оны көрген жолаушы сол орындыққа ауысып, пакеті мен сөмкесін үстінен жауып, валидаторды алып кеткен. Ұрлық болған сәт автобус салонындағы бақылау камерасына түсіп қалған.

«Әйелдің егде жаста екені көрініп тұр, тіпті осыны айтудың өзі ыңғайсыз екен. Бірақ біз оның валидаторды қайтаруын өтініп сұраймыз, әйтпеген жағдайда құқық қорғау органдарына хабарласуға мәжбүр боламыз. Әйел оны автопарктің кез келген жүргізушісі немесе кондукторы арқылы бере алады. Ол телефон немесе планшет емес, валидатор. Оны пайдаланып кете алмайды, өйткені тек жол жүру ақысын төлеуге арналған. Мүмкін, ол кісі телефон деп ойлап алып кеткен шығар», – дейді Данияр Мұхтаров.

Егер валидатор табылмаған жағдайда, келтірілген шығынды №22 маршруттың кондукторы өтейді. Айта кетсек, аталған техниканың құны – 160 мың теңге.

Бүгін, 16:09
Соңғы төрт жылда 14,8 млн гектар жер мемлекет меншігіне өтті
Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр