«Омбы – Павлодар» тас жолында 26 көлік соқтығысты (ВИДЕО)

18 сәуiр 2016, 14:24

Бүгін «Омбы-Павлодар» тас жолында қою тұманнан 26 көлік соқтығысты. Жол апаты салдарынан жеті адам жараланып, ауруханаға жеткізілді. Қаза тапқандар жоқ, деп хабарлайды bnews.kz

«Черлак жолында (Омбыда М-38 тас жолын осылай атайды – ескертп.) тұман салдарынан алғашында 14 көлік соқтығысты, кейін тағы 12 көлік соғылған. Жол учаскесінде ұзын-сонар кептеліс түзілген, қозғалыс қиындады. Қаза тапқандар жоқ, алайда жеті адам жапа шекті. Оның үшеуі ауруханаға жатудан бас тартты», — деп нақтылады автоинспекциядан.+

Омбы облысы үкіметінің мәліметінше, жол апатының салдарын жою бойынша іс-қимылды үйлестіру үшін оқиға орнына үкімет төрағасының бірінші орынбасары Игорь Бондарев аттанды. Қазір аталған автожолда қозғалыс қайта жанданды.