Оқушылар мен ұстаздан КВИ анықталып, мектеп карантинге жабылды

Солтүстік Қазақстан облысындағы Архангелка орта мектебінде коронавирус ошағы анықталып, мектеп толық қашықтан оқуға көшірілді.

СҚО білім басқармасының мәліметінше, Қызылжар ауданы Архангелка елді мекенінде 4 оқушы мен мұғалім коронавирус инфекциясын жұқтырды. Бірнеше сынып балалары ауырғандықтан мектеп толық қашықтан оқуға көшірілді. Енді 122 баланың барлығы ең кемі екі апта онлайн форматта оқымақ. Мамандардың айтуынша, тек өткен қараша айында СҚО-да 68 оқушы, 24 мұғалім коронавируспен ауырды. Мектептер карантинге жабылғанымен оқу процесі үзілмейді, оқыту форматы ғана ауыстырылады.

ҚазАқпарат