Оқушылар мен студенттер 14 ақпаннан бастап офлайн форматта оқитын болды

10 ақпан 2022, 16:43

Бас мемлекеттік санитарлық дәрігерінің міндетін атқарушы Айжан Есмағамбетова «Білім беру ұйымдарында шектеу іс-шараларын алып тастау туралы» қаулыға қол қойды, деп хабарлайды Zakon.kz.

Қаулыға сәйкес облыстардың, Алматы, Нұр-Сұлтан, Шымкент қалаларының әкімдері, ҚР Білім және ғылым министрлігі 2022 жылғы 14 ақпаннан бастап барлық меншік нысанындағы және водомстволық тиісті білім беру ұйымдарында штаттық форматта оқытуды қамтамасыз етуі тиіс.

Сонымен қатар жауапты мемлекеттік органдарға «Білім беру объектілеріне қойылатын санитариялық-эпидемиологиялық талаптар» санитарлық қағидаларының талаптарын сақтауды қамтамасыз ету бұйырылды.

Қаулы қол қойылған күннен бастап күшіне енеді.