Оқуға түсуге көмектесемін деп ақша алған алаяқ ұсталды

01 наурыз 2018, 12:39

ОҚО тұрғындарын бейтаныс адам оқуға түсіріп беремін деп, ақшасын алып жоғалып кеткен. Осы туралы айтып жергілікті тұрғындар полицияға арыз жазған. Қазіргі уақытта күдікті ұсталды, деп хабарлайды stan.kz.

Сарыағаш АІІБ ПБ-нің кезекші бөліміне бірнеше жергілікті тұрғындар арызданған.

Жәбірленушілердің бірінің айтуынша оның ұлын оқу орындарының біріне оқуға түсіріп беретінін уәде етіп, 700 мың теңгесін алып, жоғалып кеткен.

Полиция жедел іздестіру іс-шараларын жүргізу барысында күдіктіні ұстады. Ол 25-30 жастағы жергілікті тұрғын болып шықты. Бүгінгі күні полиция қызметкерлерімен күдіктінің алаяқтықтың 6 жайтына қатысы бары анықталды.

Жалпы келтірілген шығын көлемі шамамен 5 миллион теңгені құрап отыр.
Қазіргі таңда алаяқтық бабымен сотқа дейінгі тергеу амалдары жүргізілуде.