ОҚО-да мақта теруге барған жасөспірім мақта ішінде тұншығып өлді

Оңтүстік Қазақстан облысы, Ордабасы ауданының Төрткүл елді мекенінде мақта теруге барған жеткіншек мақта ішінде тұншығып көз жұмды.  Бұл туралы Stan.kz сайты хабарлады. 

Облыстық төтенше жағдайлар департаменті баспасөз қызметінің мәліметінше, оқиға 10 қазан күні болған. Егіс алқабына мақта теруге барған 16 жастағы жасөспірім жұмыс кезінде тіркемеге тиелген мақтаның үстінде ұйықтап қалады. Жұмысшылар баланы байқамай, мақтаны комбайнмен арбаға артқан. Соның салдарынан бала тыныс ала алмай тұншығып, мақтаның ішінде мерт болды. Қайғылы оқиғаға қатысты тексеру шаралары жүріп жатыр.