Оққа ұшқан оқушының анасы пікір білдірді (видео)

Қайтыс болған оқушы Владимир Машкиннің анасы Светлана балық аулауға барған балалардың барлығы дос болғанын айтады, деп хабарлайды Baq.kz ақпарат агенттігі Мой город-қа сілтеме жасап.

«Олар төртеу болды. Барлығы да жақсы балалар. Бізге жүгіріп келді, уайымдап бірге жылады. Бұл жазатайым оқиға. Бұл жерде ешкімді кінәлаудың қажеті жоқ» дейді қайтыс болған оқушының анасы.

Владимир Машкиннің ағасы да жасөспірімдер қарудың оқтаулы болғанын білмегендерін, бұл жазатайым оқиға екенін айтуда.

«Жасөспірім кезеңдегідей ұлдар аң аулағысы келді ме, атқысы келді ме… Қаруды қолына алған бала оның оқтаулы екенін білместен, олай-былай айналдырған, одан кейін байқамай шүріппесін басып қалған. Ол кезде біздің Володя шеткерірек жерде телефонмен сөйлесіп тұрған. Оқ кеудесіне тиген. Ескі үлгідегі қару болғандықтан, сақтандырғышы болмаған» дейді қайтыс болған баланың ағасы.

Еске сала кетейік, 20 қазан күні Оралда 9-сынып оқушысы сыныптасын атып тастаған болатын.