jasqazaq.kz

Өгей әкесін өлтірген жасөспірім қыз бен оның досы сотталды

23 қантар 2020, 10:16

Оралда өгей әкесін өлтірген жасөспірім қыз бен оның досы ұзақ мерзімге сотталды.Бұл туралы ҚазАқпарат тілшісі хабарлайды.

БҚО қылмыстық істер жөніндегі мамандандырылған ауданаралық сотынан түскен мәліметке қарағанда, 17 жастағы Ирина Лапина мен 19 жастағы Нұрхан Мақсот ҚР ҚК 99-бабы 2-бөлігі 7-тармағына (адамдар тобымен қасақана адам өлтіру) сәйкес айыпты деп танылды.

Оқиға өткен жылғы 12 тамыз күні Орал қаласындағы Коминтерн кентінде болған.

Жасөспірімнің анасы Вероника Лапина түн ортасында Иринаға хабарласып, азаматтық некедегі, бірге тұратын ері Е.Есқалиевтің мас күйінде жанжал шығарып, төрт жасар қызы екеуін далаға қуып жібергенін жеткізген. Бәйтерек ауданы Үлкен Шаған ауылында досы Н.Мақсотпен жүрген И.Лапина сол бойда жолға шығып, үйіне жетеді. Анасын жақтаған ол өгей әкесінің бетіне соққы жұмсайды. Н.Мақсот та сөмкесінде жүрген қолорақтың үшкір тұсымен оң иығынан ұрады.

Бұдан кейін ер адамды қалдырып, бәрі сол ауылдағы таныстарының үйіне кетеді. Бірақ сағат 03.00 шамасында И.Лапина Н.Мақсотпен бірге қайта оралып, Е.Есқалиевті оятып, анасынан кешірім сұрауды талап етеді. Тағы да жанжал туындап, екеуі Е.Есқалиевті басынан, денесінен қолорақпен, шәйнекпен, табамен және балтамен ұрып-соққан. Алған жарақаттары салдарынан 40 жастағы жәбірленуші оқиға орнында көз жұмған.

Судья Шара Зайнуллинаның айтуынша, қаладағы кешкі мектептің 10-сыныбында оқыған И.Лапина мен еш жерде жұмыс жасамаған Н.Мақсоттың айыптары толықтай дәлелденді.

Сот үкімімен Н.Мақсот 15 жылға бас бостандығынан айыру жазасын қауіпсіздігі барынша жоғары қылмыстық-атқару жүйесі мекемесінде өтеуге сотталды. Ал И.Лапина 9 жылға бас бостандығынан айыру жазасын кәмелетке толмағандарды ұстауға арналған қауіпсіздігі орташа қылмыстық-атқару жүйесі мекемесінде өтейтін болады.

Сот үкімі күшіне енген жоқ.

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия