Алматыда «Нұрлы тау» бизнес орталығы ғимаратынан секіріп кеткен ер адам қаза тапты.
Қайғылы жағдай болған жерден түсірілген суреттер әлеуметтік желіде жарияланды. «Биіктен құлап кетті. Оқиға орнында жедел жәрдем, аудандық төтенше жағдайлар бөлімі, полиция қызметкерлері жұмыс істеп жатыр», — деді қалалық ТЖД баспасөз қызметі. Қалалық қоғамдық денсаулық сақтау басқармасының хабарлауынша, ол жедел жәрдем жеткенше жан тапсырған. Қалалық полиция департаменті марқұмның кім екенін анықтады. 48 жастағы ер адам 12-қабаттағы терезеден секіріп кеткен. Оның неге өзіне қол салғаны тергеу барысында анықталады. Оқиға орнында Бостандық ауданы полиция басқармасының қызметкерлері жұмыс істеп жатыр.