jasqazaq.kz

«Нұр жолы»: Шекарада бір ай тұрған көлік саны мыңнан асты (видео)

25 маусым 2020, 21:27

Қазақ-қытай шекарасындағы ұзын-сонар кезек одан сайын созылмаса, әлі сейілер түрі жоқ. Тіпті жүргізушілердің кейбірі бұл жерде тұрғанына бір ай болғанын айтуда. Алматы облысындағы «Нұр жолы» бекетіндегі жағдай күн сайын қиындап барады. Шекарада тұрып қалған жүк көліктерінің саны мыңнан асып кетті. Бұл туралы КТК телеарнасы хабарлады.

Айқайға басып шапалақпен шатақ шығарған жүргізушілердің қай жағынан болмасын сабыры сарқылғандай. Күн астында қақталып, кептелісте тұрғандарына бірнеше апта болған. Межелі жерге жете алмай титықтағандардың жүйкесі де жұқарғандай. Кептеліс қақпанынан құтылу үшін жеңіл көліктер қарсы бетпен жүйіткіп жүр. Мұнда қазақстандық жүргізушілерден бөлек, Ресей мен Беларусь жүргізушілері бар. Олар да өткізу бекетінің жұмысы жүйеленбегеніне наразы. Жанайқайын жеткізген жүргізушілердің редакцияға жіберген видеолары жетіп асады. Өткен аптада мұндағы жағдайдан арнайы репортаж беріп, сұрау салдық. Билік «Нұр жолы» бекетіндегі жағдайдан хабардар. Бірақ өгіз аяңмен әзір мәселенің тігісін әлі жатқыза алмай отыр. «Өткізу бекеті штатты режимде жұмыс істейді» деген жауаптан танбайды. Келіп, көздерімен көрсе, мүмкін басқаша айтар ма еді. Сондықтан «Нұр жолы» бекетінде қайтерін білмей, кептелісте тұрған жүргізушілер арнайы тексеріс өткізілгенін қалайды.

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия