
Қоғамдық денсаулық сақтау басқармасының өкілдері Нұр-Сұлтанда 22 маусымда болған жол апатынан зардап шеккендердің жағдайын айтты. Бұл туралы Tengrinews.kz хабарлады.
«22 маусым сағат 21.18-де 103 пультіне көліктің бірнеше адамды қағып кеткені туралы хабарлама келіп түсті. Жол апаты салдарынан 4 адам зардап шекті: 1990, 2001, 1998 жылғы қыздар және 2018 жылғы бала.
2018 жылғы бала бас жарақатын алған. Ол №2 көпсалалы ауруханаға жеткізілген. Жағдайы тұрақты ауыр, жансақтау бөлімінде жатыр», — деді басқармадағылар.
Қазіргі таңда баланы нейрохирургия бөліміне ауыстыру жоспарланып отыр екен. Қалған зардап шеккендерТравматология және ортопедия ғылыми-зерттеу институтына жіберілді.