
Полиция қызметкерлері «Мұнар» тұрғын үй кешеніндегі лифтіде дәретке отырған әйелді тапты. деп хабарлайды Tengrinews.kz
Полиция өкілдері әйел табылғанын және ол астаналық 36 жастағы тұрғын болып шыққанын хабарлады. Ұсталған әйел осы подъезде тұратын туған-туыстарына қонаққа келгенін айтыпты.
Ақпарат бойынша, әйел мас болмаған. Полиция қызметкерлері ӘҚБтК-нің 434-бабы «ұсақ бұзақылық» бойынша хаттама толтырды. Тәртіп бұзушыға бес АЕК (12 625 теңге) көлемінде айыппұл салынады немесе он тәулікке дейінгі уақытқа қамалады.
Оқиға Нұр-Сұлтандағы «Мұнар» тұрғын үй кешенінде болған, бақылау камерасына әйелдің лифтіде дәрет сындырғаны түсіп қалған. Бұл видео Желі колданушыларын дүрліктірген болатын. Ол Instagram-дағы eto_astana_detka парақшасында пайда болды.