Нұр-Сұлтанда коттедж өртенді

10 наурыз 2020, 20:57

Елордада коттедж өртеніп жатыр.Бұл туралы төтенше жағдайлар комитетіне сілтеме жасап ҚазАқпарат хабарлайды.

10 наурыз күні сағат 18:53-те «101» пультіне Қонаев көшесінің бойындағы екіқабатты коттеджден («Musan Group» ЖШС кеңсесі) өрт шыққаны туралы хабар түсті.

Оқиға орнына елордалық ТЖД күш-құралдары жіберілді. Жеке құрамнан 21 адам және 5 өрт сөндіру техникасы тартылды. Өрт сөндірушілер барған кезде төменгі қабаттың керілген төбесі мен есіктер жанып жатқан.

Айта кетейік, 15 шаршы метр аумақты шарпыған өрт 19:17-де сөндірілді. Ешкім зардап шекпеген. Өрттің шығу себебі анықталып жатыр.