jasqazaq.kz

«Нұр-Сұлтан – Теміртау» жолын су басты

10 сәуiр 2021, 15:42

Қарағанды облысының Нұра ауданында еріген қар суының молдығынан «Нұр-Сұлтан – Қабанбай батыр – Нұра – Теміртау» автожолының 104-ші және 122-ші шақырым аралығын су басты, деп хабарлайды ҚазАқпарат.

Нұра және Осакаров аудандары аумағындағы су тасқыны жағдайы ерекше бақылауда. 122-ші шақырымда қысқа мерзімге жалғасқан су басу жағдайы тоқтатылды. 104-ші шақырымда көлік қозғалысы шектелді. Сигналдық белгілер қойылды. Су басуды жою бойынша жұмыстар жүргізілуде. Ал «Қайнар – Амантау» аудандық маңызы бар автожолдың 7-ші шақырымында су жолды шайып кеткен. Жергілікті атқарушы органдар кезекшілік ұйымдастырды. «Нұра ауданында арнасынан асқан Қон өзенінің аумағында Нығман және ішінара Ақтүбек елді мекендері қалып отыр. Қорғаныс шаралары алдын ала жүргізілді. Елді мекендерге қауіп жоқ. Ал Нұра ауданының Баршын және Кенжарық ауылдық округтері аумағында мұз кептелісін болдырмау мақсатында Құланөтпес және Жаман-Қон өзендерінің үш учаскесінде мұзды ұсақтау жұмыстары жүргізілді. Су тасқыны жағдайы облыстық су тасқынына қарсы жедел штабтың бақылауында», — деп хабарлады Қарағанды облысы ТЖД баспасөз қызметінен.

Бүгін, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия