Неймар «Барселонадан» кеткеніне өкініп қалды

«Пари Сен-Жермен» клубының шабуылшысы Неймар франциялық команданың бас бапкері Унаи Эмеридің жұмыс істеу тәсіліне көңілі толмаған және «Барселонадан» кеткеніне өкініп жүр, деп хабарлайды baq.kz ақпарат агенттігі vesti.kz порталына сілтеме жасап.

БАҚ Неймар әлі күнге дейін Парижге бейімделе алмағанын жазып жатыр, футболшының жақын адамдары ол жаңа командада өзін еркін сезінбей жүргенін айтқан.

Бұған дейін Неймар командаласы уругвайлық Эдинсон Каванимен пенальтиді кім тебетінін шеше алмай, төбелесіп қала жаздаған еді.

Келеңсіз жәйт Франция чемпионаты аясында өткен ПСЖ-Лион матчынан кейін киім шешетін бөлмеде болған.