Мысырда тұтқындалған 6 студент елге қайтарылды

1-тамызда кешке қарай Мысырдың Ұлттық қауіпсіздік қызметі Қазақстан елшілігіне хабарласып, тұтқындалған қазақстандық жастарды еліне депортациялайтындықтарын жеткізген. Бұл туралы Сыртқы істер министрлігі баспасөз қызметінің жетекшісі Әнуар Жайнақов әлеуметтік желідегі жеке парақшасында жазды деп хабарлайды jasqazaq.kz тілшісі.

«Осындай хабарлама алған соң Қазақстан консулы әуежайға азаматтарымызбен жолығу және қажетті іс-шараларды атқару үшін барды. Жастардың жағдайы жақсы. Жуық арада олар елге келеді, — дейді Әнуар Жайнақов. Ал олардың не себепті ұсталғандығы әзірге белгісіз екен. Жайнақовтың айтуы бойынша, Мысыр билігі азаматтарымыздың не үшін ұсталғандығын еліміздің құқық қорғау органдарына хабарлайтын көрінеді.