jasqazaq.kz

Мүмкіндігі шектелсе де, жұмыспен қамтылады

02 тамыз 2019, 17:48

Нұр-Сұлтан қаласында жыл басынан бері мүмкіндігі шектеулі 352-ден астам азамат әлеуметтік жағынан қорғау шараларымен қамтылып, оның ішінде 324 адам тұрақты жұмысқа орналастырылды.

352 азаматтың 56-сы тұрақты жұмысқа орналасса, 236 азамат қоғамдық жұмыстарға жіберілген. Қалған 22 мүмкіндігі шектеулі жан әлеуметтік жұмыс орындарында қызмет етіп жүр. Сондай-ақ, 10 жоғары оқу орнының түлегі «Жастар практикасы» жобасы бойынша алғаш рет тәжірибе жинақтауда. 27 азамат тігінші, дәнекерлеуші, анимация және видеографика, тігінші, аспаз мамандықтары бойынша қысқамерзімді курстан өтуде. Оқуын сәтті тәмамдаған 1 қатысушыға жаңа бизнес-жоспарын жүзеге асыру үшін 100 АЕК көлемінде грант берілген.
Халықты жұмыспен қамту орталығы еңбекке қабілеті бар мүмкіндігі шектеулі барлық азаматтарға жұмыспен қамту саласында мемлекеттік қызметтер түрін ұсынады. Оның ішінде жұмыспен қамтуға ықпал ету, кәсіби даярлау, жұмыспен қамтудың белсенді шараларына қатысу, жаңа бизнес-жоспарын дамытуға грант бөлу, арнайы жұмыс орындарын құру және тағы басқа бар. Әйтсе де, осы санаттағы адамдарды жұмыспен қамтуға байланысты талдау бойынша, қалада жұмыс берушілер 2-ден 4 пайызға дейінгі мөлшерде жұмыс орындарының квотасын сақтамағаны анықталды.

Бұл туралы Нұр-Сұлтан қаласы әкімдігінің жұмыспен қамту және әлеуметтік қорғау басқармасы басшысының орынбасары Б. Ғарифуллин: «Жұмыс берушілерді еңбекке қабілетті азаматтарды жұмыспен қамтамасыз етіп, оларға сәйкесінше жұмыс орнын жасақтап беруге шақырамын. Аталған квотаны орындамағандар әкімшілік жауапқа тартылады. Бірақ, дәл осы сұраққа келгенде салынатын айыппұл емес, азаматтық жауапкершілік басты орында тұруы қажет», –деді.

20 қараша, 13:54
Шыңғыс Оразалимов: Alem.Cloud ұлттық суперкомпьютері жасанды интеллект пен үлкен деректерді талдау жобаларына қызмет етуде
18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда