Мұқасан Шахзадаевтың балалары қазақ тілін білмейді

«Нұр Мұқасан» тобының бұрынғы әншісі Мұқасан Шахзадаев осыдан біраз уақыт бұрын әріптесі Нұрлан Қонысбаевпен араласпайтынын мәлімдеген болатын. Ал бүгін әнші ересек балаларының бір ауыз қазақша білмейтінін айтып елді таңғалдырды деп хабарлайды «Ревю» бағдарламасына сілтеме жасаған NUR.KZ.

Әншінің Димаш, Дастан, Диар есімді үш ұлы да орысшаға судай. Мұқасан тұңғышын қазақ тілді балабақшаға беремін деп, тәрбиешілердің үйреткеніне көңілі толмаған.

«Баламды қазақ тілді балабақшаға беріп, алты айда бірде-бір қазақша үйренбеді. Қарасақ, баламыз не қазақша білмейді. Не орысша білмейді, бір дүбара болып өсіп жатыр екен. Алдық та, орыс тілді балабақшаға бердік. Бір аптадан кейін балам үлкен-үлкен тақпақтарды жаттай бастадым», — деді Шахзадаев.

Ал Шахзадаевтің әріптесі Кенжебек Жанәбілов балаларының орыс тілін енді үйреніп жүргенін мәлімдеді.