jasqazaq.kz

Мұхтар Құл-Мұхаммед: Соловьевтің шоуындағы шабуылға РФ билігі объективті жауап беруі керек

24 қараша 2022, 11:20

ҚР Парламенті Сенаты Халықаралық қатынастар, қорғаныс және қауіпсіздік комитетінің төрағасы Мұхтар Құл-Мұхаммед Ресейдің телеарнасында сұмырай Соловьев жүргізген бағдарламадағы ресейлік сарапшылардың сөздеріне түсініктеме берді, деп хабарлайды ҚазАқпарат.

«Соловьев әлемнің көптеген елдерінде бұрыннан нон грата алған адам болатын және қазір бүкіл жердегі санкциялық қара тізімдерді көш бастап келеді. Сондықтан ыза-кектің буынан ол елдің бәріне жармасып улы сілекейін шашып жүр. Бұрын «Россия 1» бірінші арнасында ол Алматыға бомбаларды «тастап жіберу» туралы да айтқан болатын. Бағдарламаның қонағы – Мемлекеттік Думаның депутаты Онищенко да одан қатты шошынып қалған еді», — деді Мұхтар Құл-Мұхаммед.

Сондай-ақ, ол Соловьевтің баршаны деген жек көруі кесірінен көбінесе өзеуреп өзі сөйлеп, бағдарламаның меймандарын жанжал мен арандатуға итермелейтінін атап өтті. Және оның бәрі тікелей эфирде және есуас кейпінде болатынын тілге тиек етті.

«Ресейлік саясаттанушы Дробницкийдің «келесі мәселе Қазақстан болуы мүмкін. Өйткені ұлтшылдық үрдістері сол жерде де басталуы ықтимал» деген сөзінен біздің елімізге тікелей қатер төндіру анық байқалып отыр.

Егер ол Еуразиялық экономикалық одақ пен ҰҚШҰ-да бізбен бірге тұрған өзімізге дос Ресейдің мемлекеттік арнасының эфирінде көрсетілмесе, дүдәмал сарапшы-фантаст Дробницкий-Жуковтың пікіріне назар аудармас едік. Ресейлік саясаткерлердің осындай екпінді, мақсатты шабуылдары Соловьевтің шоуында бұрыннан жүйелі түрде жалғасып келе жатқандықтан, олар Ресей Федерациясының федералды билігі тарапынан объективті жауапқа лайық» деп баға берді Халықаралық қатынастар, қорғаныс және қауіпсіздік комитетінің төрағасы.

Сөз соңында Мұхтар Құл-Мұхаммед «Қазақстан 30 жылдан астам уақыт бойы тәуелсіз мемлекет екенін, Соловьев пен сол секілді саясаткерлер шынайы шындықты түсініп, жаңа геосаяси ақиқатпен санасуды үйренетін уақыт келгенін атап өтті.

Бүгін, 16:09
Соңғы төрт жылда 14,8 млн гектар жер мемлекет меншігіне өтті
Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр