Мойынқұмда өртті 4 күннен бері сөндіре алмай жатыр

Жамбыл облысы Мойынқұм ауданы Қарабөгет ауылынан 50 шақырым қашықтықта Мойынқұм орман және жануарлар дүниесін қорғау мекемесінің аумағында құмды жерде құрғақ шөп пен сексеуіл жанып жатыр.

Өрт сөндірушілер осымен төртінші күн тілсіз жаумен арпалысуда. Бұл туралы төтенше жағдайлар комитетіне сілтеме жасап ҚазАқпарат хабарлады.

Өртті сөндіруге ТЖД, «Мойынқұм, Байзақ, Меркі, Қосқұдық, Қордай және Жуалы орман және жануарлар дүниесін қорғау мекемелері» КММ, Мойынқұм ауданының ерікті өрт сөндіру құрылымынан 233 адам және 50 техника, «Қазавиаорманкүзеті» РМК МИ-2 тікұшағы жұмылдырылды. 21 шілде түндегі жағдай бойынша өрттің аумағы 34 мың гектарға жетті. Елді мекендерге қауіп жоқ. Барлық күш-құралдар қарауылдау жұмысын жүргізуде. Өрт орнында екпіні секундына 10 метрге жететін жел соғып тұр, ауа температурасы — +36 градус.