
26 сәуірде құтқарушылар Миялы ауылында дүниеге келген нәрестені анасымен бірге қайықпен алып шықты. Жолдың арғы бетінен оларды туыстары сән-салтанатпен күтіп алды, деп хабарлайды Zakon.kz.
Ойыл өзенінің тасуы салдарынан жол қақ айырылған еді. Жолдың арғы бетінде қалғандар жолдың бергі бетіне құтқарушылардың көмегімен қатынап жатыр.
Атырау облысы ТЖД:
Аудан орталығымен байланысу үшін жолдың жарылған жеріне құтқарушылары бар моторлы қайық жеткізіліп, жергілікті халықты тасымалдады. Қазіргі уақытта 4172 адам тасымалданды, оның ішінде 78 бала мен бес сәби бар.