jasqazaq.kz

Митингіге дайындалған адамдар ұсталды

04 шiлде 2019, 16:49

Алматы полиция департаментінің қызметкерлері Қазақстан аумағында экстремистік ұйым деп танылған ДВК* қозғалысының төрт белсендісін қамауға алды.

Олар қалада рұқсат етілмеген митинг өткізуге дайындалған, деп хабарлады полиция.

Қылмыстық іс бойынша төрт айыпталушы: Жазира Демеуова, Оксана Шевчук, Гүлнәр Жаукерова, Әнуар Әшірәлиев үйқамақта болу ережесін бұзып, билік өкілдері рұқсат бермеген митингіге дайындалуды жалғастырып жатқаны туралы ақпарат шыққаннан кейін бұлтартпау шарасы өзгертілді.

«Жедел және тергеу іс-шаралары кешенін өткізу кезінде бұл ақпарат расталды. Жоғарыда аталған азаматтардың, сондай-ақ тыйым салынған ұйымның басқа да қатысушыларының тұрғылықты жерін тінту кезінде экстремистік мазмұндағы плакаттар мен парақшалар, түтіндету құтылары, дауыс зорайтқыштар, аэрозоль сыр бүріккіш баллондар, компьютерлер, байланыс құрылғысы табылды. Сондай-ақ, ірі көлемде ақша тәркіленді, тергеушілердің болжамынша, бұл қаржыны олар заңсыз акцияны ұйымдастыру мақсатында жұмсамақ болған», — деп жазылған Алматы полиция департаменті баспасөз қызметінің ресми хабарламасында.

Ведомство сондай-ақ, бұған дейін қамауға алынғандардың әрқайсына экстремистік ұйымның қызметіне қатысудың салдары түсіндіріліп, профилактикалық әңгіме жүргізілгенін хабарлады.

«Қазіргі таңда осы қылмыстық іс бойынша тергеу шаралары жалғасуда. Кейбір күдіктілер кінәсін мойындады. Сонымен қатар тыйым салынған экстремистік қозғалыстың басқа қатысушыларына қатысты әкімшілік шаралар қабылданды», — деп хабарлады полиция.

Ұсталғандарға қатысты сотқа дейінгі тергеу Қылмыстық кодекстің 405-бабына (Экстремистік ұйымның қызметіне қатысу) сәйкес жүргізілуде.

Дереккөзі: sputniknews.kz

20 қараша, 13:54
Шыңғыс Оразалимов: Alem.Cloud ұлттық суперкомпьютері жасанды интеллект пен үлкен деректерді талдау жобаларына қызмет етуде
18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда