
Нұр-Сұлтанда жол қозғалысын бақылау барысында бір-бірінен аумайтын және нөмірлері бірдей екі автокөлік жүргені анықталды. Бұл туралы zakon.kz хабарлайды.
Бұл жайт туралы белгілі болғаннан кейін полицейлер «двойник-көліктерді» іздестіруге кірісті.
Полицейлер камераларды аңдып отырып, 11 тамызда «егіздің бір сыңарын» ұстап алды. Келесі күні екінші сыңары да табылды.
Ұсталған көліктер коммуналдық тұраққа қойылды. Тергеу жүргізілуде.
Сонымен қатар, Қазақстанда бұл көліктің үшінші сыңары да жүр екен, ол Өскеменнен табылды. Оның иесінің сөзінше, оған да Е 658 ВН 138 нөмірлі «Тойота Естима» көлігіне айыппұлдар келіп жатыр. Өзі бірақ бұл көлікпен Нұр-Сұлтанға бармағанын айтады.