Мемлекеттік қызметшілер сыйақыдан қағылады

Алдағы уақытта мемлекеттік қызметшілерге үнемделген бюджет қаржысы сыйақы түрінде берілмейді.

Қаржы министрі Мәди Такиев: «Осы мәселені біраздан бері айтқым келіп жүрген. Біз қазынашылық тарапынан қаржы министрлігіне сыйақы ретінде шоттар ішіндегі қаражатты аударуға тыйым салдық. Егер мемлекеттік органдарда қаржы үнемделсе, оны сыйақыға аудара алмайды», — деді.

Министрдің айтуынша, үнемделген қаржы бюджетке қайтарылады.

«Біз сыйақы түрінде аударуға болатын 112-ші кодты жауып тастадық», — деді ол.

JQ-Aqparat

Сурет: gov.kz