jasqazaq.kz

Мемлекет мұқтаж азаматтардың барлығына көмектеседі

24 наурыз 2020, 18:50

Мұқтаж азаматтардың барлығына мемлекет көмектеседі. Бұл туралы «Хабар 24» телеарнасының тікелей эфирінен ҚР Ақпарат және қоғамдық даму министрі Дәурен Абаев айтты. «Бүгін біз республикалық коммуникациялар орталығынан брифинг беріп отырмыз. Бұл штаб төтенше жағдай кезіне арналып, Президенттің тікелей тапсырмасымен ашылған болатын. Орталықтың жұмысы үш бағыт бойынша жүргізіледі. Бірінші — жалған ақпараттарды тауып, теріске шығару. Екінші — орталық мемлекеттік органдардың ақпараттық жұмысын үйлестіру, болған жағдайларда бірлесіп, жедел әрекет ету. Үшінші — Coronavirus2020.kz сайтының жұмысын жүргізу»,- деді министр. Дәурен Абаевтың атап өтуінше, кеше Мемлекет басшысы дағдарысқа қарсы өте ауқымды шаралар туралы баяндады. «Өздеріңіз естігендей мұқтаж азаматтардың барлығына мемлекет көмектеседі. Ешкім қамқорлықсыз қалмайды. Президент сөзінің басты түйіні осы. Қазір журналистер мен азаматтардан келіп түсіп жатқан сұрақтардың басым көпшілігі Президент Қасым-Жомарт Тоқаевтың тапсырмаларының іске асырылуына қатысты. Осы ретте бүгін Премьер-Министрдің төрағалығымен Үкіметтің отырысы өтті. Барлық министрлер мен әкімдер кеше Президент берген тапсырмаларды орындау бойынша жол карталарын жасайды. Осыған орай баршаңыздан түсіністік танытып, Үкіметтің нақты тетіктерінің жариялануын күтуді сұраймыз», — деді ол. Министр Президент тапсырмаларының барлық пунктері орындалатындығын баса айтты. «Мысалы қазірдің өзінде кейбір адамдар табысынан айырылған азаматтарға төлемдерді қалай алуға болады, оған қандай құжаттар керек екенін сұрап жатыр. Қазір бұл тетіктер ұйымдастырылуда. Нәтижесі жақын уақытта белгілі болады. Төлемдер кімге тиесілі болса, сол азаматтардың барлығы алады. Алу тәртібін қосымша хабарлаймыз»,- деді Дәурен Абаев.

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия