Мемлекет басшысының халықаралық аренадағы саясаты еліміздің стратегиялық мүддесін ілгерілетуге бағытталған

Президент Қасым-Жомарт Тоқаевтың халықаралық аренадағы белсенді саясаты Қазақстанның көпвекторлы дипломатиясын нығайтып, еліміздің стратегиялық мүдделерін ілгерілетуге бағытталған.
Әзербайжанның Баку қаласында өткен кездесулер аясында Мемлекет басшысы Катар Әмірі шейх Тамим бен Хамад Әл Тәнимен және Израиль Президенті Ицхак Герцогпен екіжақты ынтымақтастықты дамыту, инвестициялық және энергетикалық жобаларды жүзеге асыру, сауда-экономикалық байланыстарды кеңейту мәселелерін талқылады.
COP17 саммитінде Қасым-Жомарт Тоқаев экологиялық мәдениетті қалыптастыру, табиғи байлықтарды қорғау және «Таза Қазақстан» бастамасын дамыту мәселелеріне ерекше назар аударды.
Ақбөкендер санының 4,7 миллионға жетуі, қар барысының популяциясының артуы және сирек кездесетін жануарларды қорғау жұмыстары – еліміздің табиғатты сақтауға бағытталған нақты қадамдары.
Мемлекет басшысының Каспий теңізінің экожүйесін сақтау жөніндегі халықаралық үндеуі де жаһандық экологиялық мәселелерді бірлесіп шешудің маңызын көрсетеді.
Президент Қасым-Жомарт Тоқаевтың бейбітшілікке, өзара сенімге, халықаралық ынтымақтастық пен тұрақты дамуға негізделген саясаты – Қазақстанның әлемдік аренадағы беделін нығайтатын маңызды бағыт!

Жарқынбек Амантайұлы

Сурет: aqorda_resmi