Мектеп формасына министрлік араласпайды

Мектеп формасының қандай болатындығын министрлік шешпейді. Бұл туралы Білім және ғылым министрі Ерлан Сағадиев Үкіметтің баспасөз орталығында өткен пресс-конференцияда айтты деп хабарлайды jasqazaq.kz тілшісі.
«Мектеп формасының қандай болатындығы – әкімшілік пен мектеп директорларының құзыретіндегі мәселе. Өздері шешеді. Мектеп формасы бірыңғай болу керек. Бірақ ол қандай форма, оны қайдан алу керек, бағасы, үлгісі қандай болады оның барлығын мектептер өзі шешеді. Әкімшілік қала мектептерінің барлығында ортақ форма болсын деген шешімге келсе, олай да жасай алады. Оған министрліктің қатысы жоқ», — дейді министр.